અતરંગી સપ્તરંગી જીંદગી મારી…
સવારનો સમય હતો. ઉપલેટની બજારમાં લોકોની ચહેલ પહેલ ચાલુ હતી. નવજીવન દાદા પણ રોજની જેમ પોતાની ખુરશી પર બેસીને છાપું વાંચતાં હતા.
‘અરે… ભાઇ એક નોટબુક આપીદોને’. એક છોકરો બુક્સસ્ટોરના ટેબલ પર આવીને બોલ્યો.
શાંતિથી છાપું વાંચી રહેલા નવજવન દાદા એ છાપું હટાવીને છોકરા સામે જોયું અને બોલ્યા. ‘આપે હો બેટા’. પરેશ એક નોટબુક લઈલે તો! અંદરથી અવાજ આવ્યો.’લાવું છું બાપુજી’.પરેશભાઇ નોટબુક લઈને આવ્યા.
‘લે બેટા’. પરેશભાઇએ બુક આપતા, છોકરાને કહ્યું.
‘કેટલા છે આના કાકા’. છોકરાએ પૂછ્યું. બેટા ૩૦ રૂપિયા. છોકરાએ પૈસા આપ્યા અને ત્યાંથી વઇ ગયો.
‘આ અંદર શું કામ આદર્યું છે’? નવજીવન દાદાએ પરેશને પૂછ્યું.
‘બાપુજી અંદર નવા સ્ટોકને ગોઠવું છું અને થોડી સાફસફાઇ કરું છું’.
‘અ… કરાવું કઈ હું’? બાપુજીએ પૂછ્યું.
‘ના ના બાપુજી તમે બેસો કઈ ખાસ નથી, પતી જાસે થોડી વારમાં’. પરેશભાઇ બોલ્યા.
અરે ભાઈ… પતી ક્યાંથી જસે હજી હમણાં તો ઘરેથી પત્ની દ્વારા કાઢવામાં આવ્યો છે સાંજ પેહલા પગ નહીં મૂકવા દે. જગદીશભાઈ દુકાનમાં આવતા આવતા બોલ્યા.
પરેશભાઇના પાડોશી દુકાનના મિત્ર અને ગોલ્ડન ટાઇલ્સ શો રૂમના માલિક એટલે જગદીશભાઇ.
‘આવો આવો જગદીશ ભાઇ… કેમ છો આનંદમા’? પરેશ ભાઇ બોલ્યા.
‘ક્યાંથી આનંદમાં હોય? તમેને મે કીધું એ ના સાંભળયા? અરે ભાઇ ઘરથી કાઢવામાં આવ્યો છું’. જગદીશભાઈ બોલ્યા.
‘શું સવાર સવારમાં રમત આદરી છે જગા તે’? નવજીવન દાદા હળવા સ્મિત સાથે બોલ્યા.
‘માફ કરજો કાકા આ તો હું આવ્યો અને પરેશ બોલ્યો પતી જસે તો મે કીધું ચાલો કોઈ જોક જેવુ બનાવીએ પણ જોક ને બદલે પોપટ બની ગયો મારો’. જગદીશભાઇ હસતાં હસતાં બોલ્યો.
‘લ્યો કાકા ખાશ તો આ કામ માટે આવ્યો હતો, તમે પેલા મીઠું મોઢું કરો’. જગદીશભાઇએ દાદાને અને પરેશને મીઠાઇ ખવડાવી.
‘અરે… ભાઇ કઈ ખુશીમાં મીઠું મોઢું કરાવે છે? કોઈ મોટો ઓર્ડર મળી ગયો કે શું’? દાદા બોલ્યા.
‘ના… ના… કાકા તેનાથી પણ મોટી વાત છે, મારા દીકરા નિશાંતને નોકરી મળી ગઈ’. જગદીશભાઇ બોલ્યા.
‘અરે… વાહ… તો તો અભિનંદન ભાઇ તને’. દાદા બોલ્યા.
‘હા… આ તો ખુશીની વાત છે, અભિનંદન જગદીશભાઇ’. પરેશભાઇએ હાથ મિલાવતા કહ્યું.
‘અરે… બસ જો છોકરાની મેહનત અને દ્વારકાધીશની કૃપા છે’. જગદીશભાઇ બોલ્યા.
‘સરસ લ્યો તમારે પણ છોકરો વડોદરામાં સેટ થઇ ગયો એટલે હવે શાંતિ તમારે’. પરેશભાઇ બોલ્યા.
‘અરે શું શાંતિ હવે તેના માટે અશાંતિ નહીં ગોતવાની’? જગદીશભાઇ બોલ્યા.
‘શું… અશાંતિ’ પરેશ ભાઇ આશ્ચર્ય સાથે બોલ્યા.
‘અરે ભાઇ હવે છોકરી ગોતવી પડશેને લગન માટે’. જગદીશભાઇ હસતાં હસતાં બોલ્યા.
‘હા એમ કયો ને’… પરેશભાઇ પણ હસવા લાગ્યા.
જગદીશભાઇએ આગળ બોલતા કહ્યું. ‘પણ આમ તો એ કામ આપળા સમયમાં હતું, આજકાલના છોકરવે ઓછું કરી દીધું છે હવે પોતાની રીતે જ નોકરીની સાથે સાથે છોકરી પણ ગોતીલે છે ઊલટાનું આપળે કોઈક નો બાયોડેટા લેતા પેહલા છોકરવને પૂછવું પડે કે તેને ક્યાંય કોઈ સાથે કુંડળી નથી મેળવી રાખીને? તો અમે આ લપ ના કરીએ’.
‘વાત તો સાચી છે તમારી’. પરેશ ભાઇ હસતા હસતા બોલ્યા. વળી નોકરીની વાત પરથી તેને યાદ આવ્યું કે આજે તેના દીકરા આદિનું પણ ઇન્ટરવ્યૂ છે.
ત્યાં જગદીશભાઇને ફોને આવ્યો.’ હા પ્રફુલભાઇ.. હા.. હા બસ અહિયાં બાજુની દુકાન પર જ છું આવ્યો એક જ મિનિટમાં આવું. ફોન મૂકી જગદીશભાઇ બોલ્યા’ચાલો કાકા, પરેશ એક પાર્ટી આવી છે પછી મળીએ’.
‘હા…હા… જગદીશભાઇ આવજો’. પરેશ ભાઇ બોલ્યા. ‘અરે બાપુજી મને હમણાં આ નોકરીની વાત પરથી યાદ આવ્યું આજે આપળા આદિનું ઇન્ટરવ્યૂ છે કાલે ફોન પર વાત થઇ ત્યારે કહતો હતો’. પરેશે નવજીવન દાદાને કહ્યું.
‘હા ખબર છે ને મારી પણ વાત થઇ હતી’ નવજીવન દાદા બોલ્યા.
‘બસ ભગવાન કરે અને આદિ પણ સારી જગ્યાએ કામે લાગી જાય’ પરેશ ભાઇ બોલ્યા.
‘ અરે લાગી જશે…મને મારા આદિ પર પૂરો ભરોશો છે’ દાદા બોલ્યા.
બીજી તરફ રાજકોટમાં કોલેજમાં કઈક આવો હાલ હતો.
‘આજે નોટિસ બોર્ડ પર જોયું? નવી કંપનીઓ ફ્લોટ થઇ છે અલગ અલગ સ્ટ્રીમસની, એપ્લાઈ કરી દો જેને જે લાગુ પડે તે’. ધ્વનિ કોલેજના ગાર્ડનમાં ચાલી રહેલી ચર્ચાને અટકાવતાં બોલી.
‘કઈ કઈ પ્રોફાઇલ માટેની જોબ ઓપેનઇંગ આવી છે? સાગરએ પૂછ્યું.
‘માર્કેટિંગ, એચ.આર., US અકાઉંટ… ઘણી બધી છે અરે હા તારે તો US અકાઉંટિંગમાં જવું છે ને એપ્લાઈ કરી દે’? ધ્વનિ બોલી.
‘હા જોઈએ હવે એપ્લાઈ કરવું કે નહીં, આઈ એમ કનફયુઝ્ડ યુ નો પણ આદિળા તું ભાઇ માર્કેટિંગ માટે એપ્લાય કરીદે’. સાગર ફોનમાં ગેમ રમત રમત બોલ્યો.
‘શું ડાઇરેક્ટ ગમે તેમ એપ્લાય કરી દવ જોવા તો દે પેલા કઈ કંપની છે પણ મારા ખ્યાલથી હજી ગ્રુપમાં આવ્યું નથી કઈ’ આદિ બોલ્યો.
‘હમણાં આવી જાશે… પણ આ વેદાંતયો કયા રહી ગયો એનું ઇન્ટરવ્યૂ હજી નથી પત્યું?’ કાર્તિકએ કહ્યું.
આટલામાં વેદાંત સામેથી થોડો ઉદાસ મોઢે ચાલ્યો આવતો હતો.
‘આવો આવો મિસ્ટર વેદાંત, ફ્યુચર ફાઈનાનસિયલ એડવાઇઝર, કેવું રહ્યું ઇન્ટરવ્યૂ તમારું’? સાગરએ પૂછ્યું.
‘દેખાતું નથી તને મારા મોઢા પર ખૂબજ સારું ગયું છે’. વેદાંત ગુસ્સામાં ઊચા અવાજે બોલ્યો.
‘અરે… શાંત થઇ જા, લે થોડું પાણી પી લે’. ધ્વનિ બોલી.
‘નથી પીવું’. વેદાંતે ના પાડતાં કહ્યું.
‘લે… કા’. કાર્તિકે પૂછ્યું.
‘મૂળ મરી ગયો છે આજે તો, મારી કેટલી તૈયારી હતી આ ઇન્ટરવ્યૂ માટે અને…’ વેદાંત આટલું બોલતા અટક્યો.
‘પણ એક્સેક્ટ્લિ શું થયું ઇન્ટરવ્યૂ રૂમમાં’??આદિત્યએ થોડા ધીમા અવાજે પૂછ્યું.
‘શું થાય જે થતું આવ્યું છે એ જ? ૨૦,૦૦૦ સેલરી કહે છે. મને લાગ્યું ૩૫,૦૦૦ જેવી તો મળી જ જશે , મે આ અલગ અલગ કોર્ષ કર્યા છે અને ખાલી સર્ટિફિકેટ નામ ના નથી, પૂછ મને આના રીલેટેડ, આઈ નો એવરીથિંગ પણ ૨૦,૦૦૦..’ અને તે પોતાનું માથું પકડીને બેસી જાય છે.
‘અરે લકી છે ભાઇ તું આ સેમ પોજિશન માટે મે પણ એપ્લાઈ કરેલું હતું તું ઇન્ટરવ્યૂ માટે તો સિલેક્ટ થયો મને તો એ પણ ચાન્સ ના મળ્યો અને આ કયા છેલ્લી કંપની છે બીજે ક્યાંક કરી લેશું’. સાગર વેદાંતને હિમત આપતા બોલ્યો.
‘હા બિલકુલ, વેદાંત આમ ઉદાસ ના થા’. ધ્વનિ બોલ્યો.
‘હા… ભઇ કોનું થઇ ગયું અને તારું રહી ગયું હે…કાર્તિકે વેદાંતને કહ્યું
વેદાંતનો અનુભવ સાંભળીને આદિને થોડો ડર લાગવા માંડ્યો હતો. ‘ હું પણ ૩૦,૦૦૦ જેવી એક્સપેકટેશન રાખીને બેઠો છું ક્યાંક હું પણ… ‘ આદિએ મનમા વિચાર આવ્યો.
આવતા અંકમાં :
“તું ફ્રેશેર છો ઍટલે તારી પાસેથી હું કોઈ એક્સપેરિયનશ પર્સન જેવુ કામ નથી એકસેપ્ટ કરતો પણ હાલ મારે જેવો ફ્રેશેર કેન્ડીડેટ જોઈએ છે તેમાં તું”… સાહેબ બોલ્યા.
કેવો રહશે આદિત્યના ઇન્ટરવ્યૂનો અનુભવ, શું તે સિલેક્ટ થશે કે આવશે કોઈ નવો વણાંક. અચૂક વાંચો આવતો અંક.
– કેવિન વેકરીયા
vartanidiary@gmail.com
#AtrangiSaptrangiZindagiMari
#અતરંગીસપ્તરંગીજીંદગીમારી